مش كفاية ..
طياراتكم مش كفاية.. والمدافع مش كفاية
والقنابل والحصار والحرايق والدمار
والدموع في عيون صغار والجناين تبقى نار
مش كفاية
ومش حكاية..
لو عايزيني مرة أخضع غيروني
شوفوا يمكن لو ده ينفع بدلوني
ولما ماتلاقوليش طريقة
واجهوا لو مرة الحقيقة
واقروا من قرآني آية
تفهموا أصل الحكاية
إني بضحك عالقنابل
موتة جاية وقلبي جامد
تعرفوا إن القنابل والمدافع والشظايا
والسلاح اللي معاكوا ومش معايا
مش كفاية
موتوني ألف مرة ومش كفاية
غصب عنكوا بلادي حرة وللنهاية
كلمة بكتبها بداميا للي يستشهد ورايا
إن تمن الجنة دية لو حياتك مش كفاية
تعليقات