أعجبتني هذه الأغنية للفكرة التي تحتويها والتي تتكرر كثيرا هذه الأيام
وكذلك فكرة الأداء في الكليب
في يوم قاعد في كوفي شوب بشرب قهوة وسيجارة
سرحت قفلت عيني زرت ذكرياتي زيارة
سرحت ف قد إيه الدنيا دي واطية وغدارة
وإن حب الناس تسعين في المية منه تجارة
وده مش كل اللي افتكرته ده عصارة العصارة
أصلي افتكرت فترة بعت فيها ودقت خسارة
على رأي ست كبيرة ف حتتنا: "الدنيا خيارة"
اسمع مني الحدوتة دي وافهم معنى العبارة
شب زي.........
أنا ماليش أكاونت عالفيس بوك اسمع من مكي
خلوا بالكم م اللي بيعمل فيس بوكه إنه فيس بوكي
حاول تحلقله تنفضله فوكك منه أو فوكي
مهما قالك وحلفلك وبعتلك سكه أو سكي
نازل م البيت بالليل أجيب فول بيض زبادي وفينو
العشا الرسمي ف مصر طبعا كلنا عارفينه
قابلت واد فاقد م الحتة وفقري واسمه نينو
معمي مية ودخان وبيهذي يخربيت سنينه
قاللي ينفع يا مكي عالفيس بوك اعملك "Add"
أنا واحمد معتز وطارق بيك بيك وعماد
وانتا تنفضلنا التنفيضة السودة دي، خد ياد
اعملنا "Add" اعملنا "Add" مش مهم معتز وطارق المهم انا وعماد
قلتله ياد انتا بتهذي ولا بتتكلم جد
انا من زمان بيني وبين الفيس بوك ميت سد وسد
آخري كان الهاي فايف يمكن والآي سي كيو
هتقولي عندك فيس بوك.. هقولك "Damn you"
خدني من إيدي لبيته يوريني أصل الموضوع
قام فاتح الفيس بوك ف لقيت تلاتين أكاونت مصنوع
حاطين صورتي وكاتبين إسمي وعاملين نفسهم أنا
وكل واحد فيهم بيكلم آلاف في السنة
هموت واعرف بيقولوا إيه للناس على لساني
دي حاجة تخوف ترعب.. حط نفسك مكاني
لسة مفوقتش م الصدمة قام نينو وراني حاجة تاني
فتحلي عالفيس بوك فان بيج فيها ميت ألف فان
كاتبين كلام جميل خلى قلبي مرفرف فرحان
شكرا لكل اللي كتب إن كان "Lady" أو "Man"
ملحقتش أفرح راحت الفرحة بقيت قاعد غضبان
أصلي لاحظت إن اللي عمل الصفحة عيل "كتيان"
متقمصني وبيتكلم زي "دبور" في فيلم مرجان
كبر جيهك.. روق ديهك.. إخبط دي يا مان
سلطاتك.. بابا غنوجك.. واضربلك "خابور" كمان
ركزت قريت كل اللي كتبه الواد ده لقيته "هباب"
دخلت ف لحظة كتبت في كل الصفحة دا واد نصاب
مسح اللي كتبته بسرعة ورد وقال: "هوة الكداب"
فجأة الكل قفش كشر.. كان ناقص يرموني "قبقاب"
وبعتلي شتيمة.. عمللي "Block" وطردني طرد كلاب
"يقطع النت عالنتيتة عاللي عينتتوا عليه"
دورت أكتر ولقيت صفحات عالنت بإسمي كتيرة
كل ما افتح صفحة الاقيها مليانة فتاوي كبيرة
أخبار حصري على لساني.. "مكي أصله ادانا التأشيرة"
وعلاقتي بالناس دي زي علاقة الدولارات بالليرة
معرفش عنهم حاجة ولا حتى بتجمعنا الجيرة
ربنا شفيهم دول ناس عيانة مش ناس شريرة
كل ساعة بتصريح متفبرك ليا وكله حماسة
إشي فن وإشي أخبار شخصية وفتي ف دين وسياسة
الأغرب إني بلاقي ناس عاقلة كبيرة وبتصدق
وبتاخد كل اخباري المكذوبة منهم وتفرق
و"الفتية" بتفضل تكبر تنتشر تضخم تترستق
تتزوق تتروق تترقى لإشاعة وتتصدق
تاني يوم بلاقيها بتتأكد أخبار فنية.. "أتشل"
فوقفت مع نفسي وقفة طويلة ولقيت الحل
قررت أعلن ف أغنية إن مليش أي "Account" أو "Site"
لو قابلك أي مكي عالنت قوله "Good Night"
تعليقات